QUAI FASCHAIN NUS

Grazia a la passiun da ses fundatur per l'Imperi roman ha la fundaziun in focus spezial sin la Think Big Revolution da l'Imperi roman envers innovaziuns economicas, tecnologicas, militaras ed architectonicas ed ha la finamira d'illuminar il patratgar revoluziunar davos l'organisaziun, l'administraziun e la persistenza da Roma e sias provinzas sco era las innovaziuns da design architectonicas, la qualitad ed il tempo da construcziun, l'organisaziun militara e strategica sco era la planisaziun e la concepziun da las citads da l'Imperi roman.

Dapi il 2015 ha la fundaziun mess ad ir atgnas iniziativas e sustegnì iniziativas dad auters cun la finamira da promover la chapientscha per innovaziuns economicas, tecnologicas ed architectonicas dals Romans e da promover la maniera, en la quala questas innovaziuns èn da vesair en praticas e modas da pensar actualas e co che quellas èn en blers lieus la basa per la moda da viver actuala. Da punctuar la cuntinuitad da tschertas innovaziuns romanas enfin en il preschent sco er il diever d'ozendi da tscherts concepts naschids avant passa 2000 onns tutgan tar las finamiras principalas da la fundaziun.

En il decurs da l'onn 2023 planisescha la fundaziun ina seria d'iniziativas per cuntanscher la finamira da promover il studi da l'istorgia e la perscrutaziun dal mund antic cun l'accent sin l'Imperi roman.

La casa greca di Pistolis duai daventar ina basa per scienziads grecs a Roma – in desiderat da blers onns da la communitad academica – ma era sustegnair scienziads internaziunals. Ella duai dar alloschi ad ina communitad da scienziadas e scienziads grecs ed internaziunals a Roma per sustegnair la perscrutaziun davart l'architectura e l'archeologia romana cun in program da stipendis, in ciclus da referats sco era lavuratoris tematics. La casa greca di Pistiolis vegn er a finanziar la perscrutaziun archeologica internaziunala.

La casa greca di Pistiolis vegn ad organisar e sponsurar stipendis per ils temas economia, tecnologia ed architectura romana, cuntrada e planisaziun dal territori sco er auters temas parentads per sustegnair perscrutaders da la nova generaziun sco era perscrutaders etablids en lur perfecziunament durant 9 mais a Roma.

Il ciclus da referats annual envida scienziads internaziunals che mettan l'accent da lur perscrutaziun sin innovaziuns economicas ed architectonicas da l'Imperi roman da salvar quatter prelecziuns durant ch'els èn in mais a Roma.

Ils lavuratoris tematics vegnan a sa deditgar a dumondas centralas da l'organisaziun economica romana, il management, il svilup e la durada sco era da l'architectura romana e la planisaziun dal territori, inclus l'infrastructura economica, svilups tecnologics e la connectivitad culturala.