Nus purschain a persunas en miseria sustegn finanzial ed auter, cun l'accent sin il suandant:
- La scolaziun da persunas che lavuran en secturs che promovan il bainstar d'ina cuminanza, sco p.ex. la sanadad e la furmaziun, sco er da persunas talentadas senza meds finanzials.
- Il tractament da problems da sanadad gravants d'uffants e giuvens creschids senza meds finanzials.
- Famiglias che na pon betg vegnir sur las rundas.
- La promoziun dal bainstar da cuminanzas localas en tut il mund cun accent en Grezia ed en Svizra.
Dapi il 2006 sustegna la fundaziun cun milliuns euros en furma da donaziuns, sponsoring e stipendis:
Communitads localas
Donaziun da daners e da valurs da facultad ad organisaziuns che sustegnan uffants dischavantagiads sco chasas d'orfens ed uffants cun basegns spezials.
Modernisaziun dals indrizs e da l'infrastructura tecnologica per sustegnair la furmaziun da scolas sin inslas allontanadas en Grezia.
Sponsoring d'occurrenzas per promover cuminanzas localas.
Persunas talentadas
Stipendis per studis da bachelor e da postgraduat per studentas e students excellents, als quals mancan ils meds per finanziar lur scolaziun.
Promover sportists talentads en furma da daners ed equipament.
Autoritads da la regenza
Donaziun d'equipament ad unitads spezialas da l'armada, polizia e guardia da costa per cuntanscher lur finamiras.
Ina da lur finamiras principalas è da sustegnair la Grezia ed ils burgais grecs en tutta moda e maniera pussaivla.
Ultra da quai vegn la fundaziun a sustegnair en il rom da sias finamiras il territori grond da l'Engiadina e ses burgais.
En il rom da ses sustegn a la regiun Engiadina vegn la fundaziun a sponsurar occurrenzas localas grondas sco il White Turf che genereschan entradas per tut las vischnancas da l'Engiadin'Ota.
La finamira da la fundaziun è er da sustegnair il mantegniment e la promoziun da la lingua rumantscha en mintga moda e maniera imaginabla.
Padrinadis
Dapi il 2006 è la fundaziun in sustegnider activ da persunas singulas talentadas e da cuminanzas localas en Grezia ed en Svizra.
Padrinadis èn pussaivels mo sin invitaziun.
Nus n'acceptain naginas propostas betg dumandadas.
Stipendis
En il decurs dals onns ha la fundaziun surdà numerus stipendis e sustegnì finanzialmain persunas singulas che vulan approfundar ed actualisar lur scolaziun.
Donaziuns
La fundaziun s'engascha activamain per uffants dischavantagiads e persunas en miseria e sustegna ultra da quai intenziunadamain organisaziuns d'utilitad publica nunguvernamentalas sco er autoritads guvernativas en differents pajais.
